“Fashion Retail Group TKT” MChJ ning ushbu Maxfiylik siyosati Ommaviy ofertaning ajralmas qismi boʻlib, barcha maʼlumotlarga, jumladan, tashrif buyuruvchi/foydalanuvchi/xaridorning (keyingi oʻrinlarda “Subyekt” deb yuritiladi) shaxsiy maʼlumotlariga, frgroup.uz internet-doʻkoniga (keyingi oʻrinlarda “Sayt” deb yuritiladi), shuningdek, kompaniya tomonidan taqdim etiladigan boshqa dasturlar va undan tashqarida taqdim etiladigan xizmatlarga, shu jumladan, Frgroup mobil ilovasi nisbatan qoʻllaniladi.

1. Atamalar va taʼriflar

1.1. "Sayt, Ilova maʼmuriyati" (keyingi oʻrinlarda "Maʼmuriyat" deb yuritiladi) - Kompaniyaning Saytni, Ilovani va/yoki Uchinchi shaxslarni boshqarish huquqiga ega boʻlgan, subyektlardan olingan barcha maʼlumotlarni, shu jumladan shaxsiy maʼlumotlarni tartibga soladigan va (yoki) qayta ishlaydigan, shuningdek, bunday maʼlumotlarni qayta ishlash maqsadlarini aniqlaydigan va (yoki) ularning manfaatlarini koʻzlab ishlaydigan xodimlar.

1.2. "Maʼlumotlar" - bevosita yoki bilvosita aniqlanishi mumkin boʻlgan shaxs - Subyektga tegishli har qanday maʼlumotlar, shu jumladan Shaxsiy maʼlumotlar.

1.3. "Maʼlumotlarni qayta ishlash" - subyektning roziligi bilan avtomatlashtirish vositalaridan foydalangan holda yoki bunday vositalardan foydalanmasdan amalga oshiriladigan har qanday harakat (operatsiya) yoki harakatlar (operatsiyalar) toʻplami, shu jumladan, lekin ular bilan cheklanmagan holda: maʼlumotlarni toʻplash, qayd etish, tizimlashtirish, yigʻish, saqlash, aniqlashtirish (yangilash, oʻzgartirish), qoʻlga kiritish, foydalanish, uzatish (tarqatish, taqdim etish, kirish), shaxssizlashtirish, bloklash, oʻchirish, yoʻq qilish.

1.4. "Maʼlumotlarning maxfiyligi" - bu Sayt maʼmuriyati subyektning roziligisiz yoki boshqa qonuniy asoslar mavjud boʻlmagan holda qasddan tarqatilishining oldini olish uchun bajarishi kerak boʻlgan talab.

1.5. “Sayt foydalanuvchisi, Ilova” (keyingi oʻrinlarda “Foydalanuvchi” deb yuritiladi) – bu Saytga, Ilovaga Internet orqali kirish huquqiga ega boʻlgan va ushbu Saytdan, Ilovadan oʻz maqsadlari uchun foydalanadigan shaxs.

1.6. “Cookies” veb-server tomonidan yuborilgan va foydalanuvchi qurilmasida saqlanadigan kichik maʼlumotlar boʻlagi boʻlib, uni veb-mijoz yoki veb-brauzer har safar tegishli sayt sahifasini ochishga harakat qilganda HTTP-soʻrovda veb-serverga yuboradi.

1.7. "IP-manzil" - IP protokoli yordamida qurilgan kompyuter tarmogʻidagi tugunning yagona tarmoq manzili.

1.8. “Ilova" - smartfonlar, planshetlar va boshqa mobil qurilmalarda foydalanish, maʼlum platforma (iOS, Android) uchun ishlab chiqilgan, App Store, Google Play xizmatlarida joylashtirilgan, Foydalanuvchilar tomonidan yuklab olish va oʻrnatish uchun maxsus ishlab chiqilgan dasturiy taʼminot.

2. Umumiy qoidalar

2.1. Foydalanuvchining Saytdan, Ilovadan foydalanishni boshlagan payti ushbu Maxfiylik siyosatiga roziligini va uni qoʻshimchalar va istisnolarsiz toʻliq qabul qilishini anglatadi.

2.2. Maxfiylik siyosati shartlariga rozi boʻlmagan taqdirda, Foydalanuvchi Saytdan, Ilovadan foydalanishni darhol toʻxtatishi kerak.

2.3. Ushbu Maxfiylik siyosati faqat ushbu Sayt, Ilova uchun amal qiladi. Maʼmuriyat foydalanuvchi mavjud havolalar orqali kirishi mumkin boʻlgan uchinchi tomon saytlari va ilovalarini nazorat qilmaydi va javobgar emas.

2.4. Maʼmuriyat Sayt, Ilova Foydalanuvchisi tomonidan taqdim etilgan Maʼlumotlarning toʻgʻriligini tekshirmaydi. Foydalanuvchi Oʻzbekiston Respublikasi qonunchiligi talablarida belgilangan tartibda va shartlarda mustaqil ravishda maʼlumotlarning toʻgʻriligi uchun barcha javobgarlikni oʻz zimmasiga oladi.

3. Maxfiylik siyosati predmeti

3.1. Ushbu Maxfiylik siyosati Kompaniya tomonidan qabul qilingan foydalanuvchi maʼlumotlarini vijdonan toʻplash, saqlash, qayta ishlash, shu jumladan transchegaraviy uzatish va oshkor etmaslik, shu jumladan, lekin ular bilan cheklanmagan holda, Saytda, Ilovada roʻyxatdan oʻtgandan soʻng, buyurtma berishda, yangi aksiyalarga va maxsus takliflarga obuna boʻlish va h.k.larda Maʼmuriyatning majburiyatlarini belgilaydi.

3.2. Ushbu Maxfiylik siyosati doirasida qayta ishlashga ruxsat berilgan maʼlumotlar Foydalanuvchi tomonidan, shu jumladan, lekin ular bilan cheklanmagan holda, maxsus shakllarni toʻldirish, Saytda, Ilovada hisob qaydnomalarini yaratish orqali taqdim etiladi, ular quyidagi maʼlumotlarni oʻz ichiga olishi mumkin:

foydalanuvchining familiyasi, ismi, otasining ismi (mavjud boʻlsa);

foydalanuvchining tugʻilgan sanasi va jinsi;

Foydalanuvchining aloqa telefon raqami;

Elektron pochta manzili (e-mail);

yetkazib berish manzili va boshqa maʼlumotlar.

3.3. Maʼmuriyat, shuningdek, sayt sahifalariga tashrif buyurish paytida avtomatik ravishda uzatiladigan maʼlumotlarni himoya qilish uchun harakat qiladi: IP manzil; cookies maʼlumotlari; brauzer (yoki saytga kiradigan boshqa dastur) maʼlumotlari; kirish vaqti; tashrif buyurilgan sahifa manzillari; referer (oldingi sahifa manzili) va boshqalar, shu bilan birga:

3.3.1 Cookies ni oʻchirib qoʻyish Saytga, Ilovaga kirish imkoniyatini cheklash yoki uning qisman, cheklangan tarzda ishlashiga olib kelishi mumkin;

3.3.2 Sayt va Ilova oʻz tashrif buyuruvchilarning IP manzillari haqidagi statistik maʼlumotlarni toʻplaydi. Ushbu maʼlumotlar texnik muammolarni aniqlash va hal qilish, bajarilgan operatsiyalarning toʻgʻriligini nazorat qilish uchun ishlatiladi.

Yuqoridagilarga qoʻshimcha ravishda, Ilova orqali Saytga tashrif buyurganingizda, Ilovadan foydalanishga oid quyidagi maʼlumotlar avtomatik ravishda toʻplanishi va qayta ishlanishi mumkin, bunda maʼlumotlarni himoya qilish choralari koʻriladi:

• qurilma maʼlumotlari (qurilma modeli, operatsion tizim, ekran oʻlchamlari, qurilma tili va boshqa texnik tavsiflari);

• sessiya maʼlumotlari (foydalanuvchi sessiyasining boshlanish va tugash vaqti, sessiya davomiyligi, ilovadan foydalanish chastotasi);

• joylashuv (agar Ilova joylashgan manzilini aniqlashni soʻrasa, foydalanuvchining geolokatsiya maʼlumotlari);

• Ilovadagi texnik xatolar haqida maʼlumot;

• ekran maʼlumotlari (Ilova ekranlarining skrinshotlari foydalanuvchi tajribasi va Ilova dizaynini tahlil qilish uchun toʻplanishi mumkin);

• ilovaning ishlashi (ekranning yuklanish vaqti, foydalanuvchi harakatlariga ilovaning javob berish vaqti va boshqa ishlash koʻrsatkichlari haqida maʼlumot).

3.4. Yuqorida koʻrsatilmagan har qanday boshqa maʼlumotlar, shu jumladan, lekin ular bilan cheklanmagan holda: koʻrishlar tarixi, foydalanilgan brauzerlar va operatsion tizimlar va boshqalar Foydalanuvchining roziligisiz oshkor qilinishi mumkin emas, qonun va ushbu Maxfiylik siyosatining 7.2.1. va 7.2.4. bandlarida nazarda tutilgan hollar bundan mustasno.

4. Foydalanuvchi haqida maʼlumot toʻplash maqsadlari

4.1. Foydalanuvchi maʼlumotlari ̶  Maʼmuriyat Saytda Buyurtmalarni joylashtirish bilan bogʻliq maqsadlarda foydalanishi mumkin, shu jumladan, lekin ular bilan cheklanmagan holda:

4.1.1. Saytda joylashtirilgan Ofertaga qoʻshilish uchun Saytda, Ilovada roʻyxatdan oʻtgan Foydalanuvchining identifikatsiyasi;

4.1.2. Foydalanuvchiga Saytning shaxsiylashtirilgan resurslaridan, Ilovadan foydalanish imkoniyatini berish, shu jumladan Bonus klubida ishtirok etishni taʼminlash;

4.1.3. Foydalanuvchidan fikr-mulohazalarni qabul qilish, shu jumladan, lekin ular bilan cheklanmagan holda, Sayt, Ilovadan foydalanishga oid bildirishnomalar, SMS-xabarlar, soʻrovlar, Foydalanuvchining Buyurtmalarini qayta ishlash;

4.1.4. Xizmatlarni koʻrsatishni boshlash uchun zarur boʻlgan Foydalanuvchi tomonidan taqdim etilgan Maʼlumotlarning toʻliqligini tasdiqlash;

4.1.5. Saytdan, Ilovadan foydalanish bilan bogʻliq muammolar yuzaga kelganda Foydalanuvchiga samarali mijozlik va texnik yordamni koʻrsatish.

4.1.6. Foydalanuvchiga Kompaniya nomidan saytda, Ilovada yoki uchinchi shaxslar nomidan maxsus takliflar, aksiyalar, narxlar, yangiliklar boʻyicha xabarli xatlar va boshqa maʼlumotlar toʻgʻrisidagi maʼlumotlarni taqdim etish;

4.1.7. Reklama faoliyatini amalga oshirish;

4.1.8. Foydalanuvchiga ularning takliflari, yangilanishlari yoki xizmatlarini olish maqsadida uchinchi tomon saytlari yoki uchinchi shaxslarning xizmatlariga kirishni taʼminlash.

5. Maʼlumotlarni qayta ishlash va saqlash usullari hamda shartlari

5.1. Foydalanuvchi maʼlumotlarini qayta ishlash va saqlash Oʻzbekiston Respublikasining amaldagi qonunchiligi talablariga muvofiq amalga oshiriladi.  Shaxsiy maʼlumotlarni saqlash muddati, agar Oʻzbekiston Respublikasi qonun hujjatlarida boshqacha tartib nazarda tutilmzgan boʻlsa, ularni toʻplash va qayta ishlash maqsadlariga erishish sanasi bilan belgilanadi. 

6. Tomonlarning majburiyatlari

6.1. Foydalanuvchi majburiyatlari:

6.1.1. Xizmatlarni toʻgʻri taqdim etish va Saytdan, Ilovadan foydalanish uchun zarur boʻlgan toʻgʻri va ishonchli maʼlumotlarni taqdim etish;

Qanday boʻlmasin, foydalanuvchi notoʻgʻri, toʻliq boʻlmagan yoki yolgʻon maʼlumotlarni taqdim etganligi uchun javobgar. Foydalanuvchi tomonidan notoʻgʻri, toʻliq boʻlmagan yoki ishonchsiz maʼlumotlar taqdim etilishi natijasida yuzaga keladigan har qanday salbiy oqibatlar xavfi Foydalanuvchi zimmasiga yuklanadi.

6.1.2. Har qanday oʻzgarishlar boʻlsa, taqdim etilgan maʼlumotlarni yangilash va/yoki toʻldirish;

6.1.3. Saytda va Ilovada saqlangan maxfiy maʼlumotlarga kirishni himoya qilish uchun mustaqil choralar koʻrish.

6.2. Maʼmuriyat majburiyatlari:

6.2.1. Olingan maʼlumotlardan faqat ushbu Maxfiylik siyosatining 4-bobida koʻrsatilgan maqsadlarda foydalanish. Bunday holda, shaxsiy maʼlumotlardan foydalanish maqsadi oʻzgargan taqdirda, Maʼmuriyat Foydalanuvchining tegishli yangilangan roziligini olish majburiyatini oladi.

6.2.2. Foydalanuvchi maʼlumotlarini oshkor qilmaslik, amaldagi qonun va ushbu Maxfiylik siyosatining 7.2.1. - 7.2.4. bandlarida nazarda tutilgan hollar bundan mustasno. 

6.2.3. Notoʻgʻri shaxsiy maʼlumotlar yoki noqonuniy xatti-harakatlar aniqlangan taqdirda, tegishli Foydalanuvchining shaxsiy maʼlumotlarini foydalanuvchi yoki uning qonuniy vakili soʻrovi yoki murojaatidan keyin yoki shaxsiy maʼlumotlar subyektlarining huquqlarini himoya qilish boʻyicha vakolatli organ tomonidan tekshirish davridan boshlab bloklash.

7. Tomonlarning javobgarligi

7.1. Maʼmuriyat foydalanuvchining shaxsiy maʼlumotlarini qasddan oshkor qilganlik uchun amaldagi qonun hujjatlariga muvofiq javobgar boʻladi, amaldagi qonun hujjatlari va Maxfiylik siyosatining 7.2.1. - 7.2.4. Bandlarida nazarda tutilgan hollar bundan mustasno. 

7.2. Shaxsiy maʼlumotlar yoʻqotilgan yoki oshkor qilingan taqdirda, quyidagi holatlarda Maʼmuriyat ushbu maxfiy maʼlumotlarga nisbatan javobgar boʻlmaydi:

7.2.1. Yoʻqotilishi yoki oshkor etilishidan oldin ommaga maʼlum boʻlgan boʻlsa;

7.2.2. Maʼmuriyat tomonidan qabul qilinishidan oldin uchinchi shaxsdan olingan boʻlsa;

7.2.3. Uchinchi shaxslar tomonidan Sayt, Ilova fayllariga ruxsatsiz kirish orqali olingan boʻlsa;

7.2.4. Foydalanuvchining roziligi bilan oshkor qilingan boʻlsa

7.2.5. Amaldagi qonun hujjatlariga muvofiq, qonuniy kuchga kirgan sud hujjati yoki vakolatli davlat organining qonun hujjatlarida belgilangan tartibda tuzilgan rasmiy yozma talab asosida oshkor qilinadi. Bunday holda, maʼmur (qonunda ruxsat etilgan darajada) majburiyatlari: Foydalanuvchini tegishli talab olinganligi toʻgʻrisida darhol xabardor qilish; maʼlumotlarning faqat bunday talabni bajarish uchun bevosita zarur boʻlgan qismini oshkor qilish; shuningdek, oshkor qilingan maʼlumotlarning maxfiyligini taʼminlash va uchinchi shaxslarga keyingi tarqalishining oldini olish uchun barcha oqilona choralarni koʻrish.

7.3. Foydalanuvchi Oʻzbekiston Respublikasining amaldagi qonunchiligiga muvofiq taqdim etilgan Maʼlumotlarning qonuniyligi, toʻgʻriligi va haqqoniyligi uchun yakka tartibda javobgar boʻladi.

8. Nizolarni hal qilish

8.1. Foydalanuvchi va Maʼmuriyat oʻrtasidagi munosabatlardan kelib chiqadigan nizolar yuzaga kelganda, tomonlar nizolarni hal qilishning sudgacha (daʼvo) tartibiga rioya qilishlari shart.

8.2. Daʼvoni oluvchi u olingan kundan boshlab 15 (oʻn besh) kalendar kun ichida yozma javob berishga majburdir.

8.3. Agar kelishuvga erishilmasa, nizo Oʻzbekiston Respublikasining amaldagi qonunchiligiga muvofiq koʻrib chiqish uchun vakolatli sudga yuboriladi.

9. Yakuniy qoidalar

9.1. Maʼmuriyat oʻz xohishiga koʻra, Foydalanuvchining qoʻshimcha roziligini olmasdan, mavjud usuldan foydalangan holda "Fashion Retail Group TKT" MChJ da mavjud boʻlgan resurslarga oʻzgartirishlar yoki yangilangan versiyani eʼlon qilish yoki joylashtirish orqali ushbu Maxfiylik siyosatiga oʻzgartirishlar kiritish huquqiga ega. Shu bilan birga, ushbu talab Foydalanuvchilarning shaxsiy maʼlumotlariga ishlov berish maqsadi oʻzgargan taqdirda qoʻllanilmaydi, bu bilan bogʻliq holda alohida rozilik olinishi kerak.

9.2. Maxfiylik siyosatiga kiritilgan oʻzgartirishlar, agar kiritilgan oʻzgartirishlarda boshqacha tartib nazarda tutilmagan boʻlsa, oʻzgartirilgan Maxfiylik siyosati Saytda, Ilovada joylashtirilgan paytdan boshlab kuchga kiradi.